Leny Yoro skrifaði í gær undir samning við Manchester United en hann er keyptur á 52 milljónir punda frá franska félaginu Lille.
Yoro er aðeins 18 ára gamall en þrátt fyrir ungan aldur var hann eftirsóttur af bæði United og Real Madrid.
Það var talið að hann vildi frekar fara til spænska liðsins en tilboð þess til Lille var meira en helmingi minna en tilboð United eftir því sem kemur fram í The Athletic.
Franska félagið vildi því eðlilega frekar selja hann til Englands.
United tókst að lokum að sannfæra Yoro og The Athletic segir einnig að félagið hafi notað goðsögnina Rio Ferdinand til þess.
„Félagið sýndi mér frá fyrsta samtali að hér gæti ég þróast sem leikmaður. Þetta er spennandi verkefni .Það er algjör heiður að skrifa undir hjá United,“ sagði Yoro eftir undirskrift.
