Sverrir Ingi Ingason var seldur aftur til Grikklands fyrr í vikunni frá Midtjylland í Danmörku. Landsliðsmiðvörðurinn hefur verið keyptur á háar upphæðir undanfarin ár.

Sverrir gekk í raðir Midtjylland frá PAOK í fyrra en var nú seldur frá danska félaginu til gríska stórliðsins Pantahinaikos. Þetta er sjöunda félagið sem Sverrir spilar fyrir í atvinnumennsku, þar sem kappinn hefur spilað í sex mismunandi löndum.

Alls hefur Sverrir, samkvæmt síðunni Transfermarkt, verið seldur á yfir 15 milljónir evra, vel yfir tvo milljarða íslenskra króna, þegar öll félagaskipti eru skoðuð. Hann fór fyrst til Viking í Noregi frá Breiðabliki árið 2013.

Það er sparkspekingurinn og hlaðvarpsstjarnan Jóhann Már Helgason sem vekur athygli á þessu og bendir á að ekki margir íslenskir leikmenn hafi verið seldir á hærri fjárhæðir. Jafnframt græði uppeldisfélag hans Breiðablik vel á því að hann sé svo oft seldur milli knattspyrnusambanda hvað varðar greiðslur til þeirra.

Eftir söluna til Panathinaikos þá er búið að selja Sverri Inga sjö sinnum fyrir rúmlega 15 milljónir EUR skv Transfermarkt.

Ekki margir íslenskir leikmenn sem toppa þá upphæð samanlagt.

Blikar líka grætt vel á hans vistaskiptum, því hann fer oft á milli sambanda. pic.twitter.com/T2UJF7GmC2

— Jóhann Már Helgason (@Joimar) July 15, 2024