Landsliðsframherjinn Orri Steinn Óskarsson er á óskalista þýska liðsins Stuttgart. Sky í Þýskalandi segir frá þessu.
Orri, sem verður tvítugur seinna í sumar, er ansi eftirsóttur um þessar mundir, en hann gerði tíu mörk fyrir FC Kaupmannahöfn í dönsku úrvalsdeildinni á síðustu leiktíð.
Hann hefur til að mynda verið orðaður við Atalanta á Ítalíu og Girona á Spáni en nú er Stuttgart einnig nefnt til sögunnar. Leikmaðurinn hefur verið látinn vita af þessum áhuga.
Að fara til Stuttgart yrði án efa spennandi skref fyrir Orrra. Liðið hafnaði í öðru sæti þýsku úrvalsdeildarinnar á síðustu leiktíð og spilar því í Meistaradeild Evrópu í haust.
Orri er samningsbundinn FCK til 2027.
🔴⚪️ Orri Óskarsson, he is on VfB Stuttgart's list as revealed in our show!
… and the striker is informed about the interest! #VfB still intend to sign two strikers and is currently working on an agreement for Undav and Demirovic. However, alternatives are being checked in… pic.twitter.com/clLt5RfLKB
— Florian Plettenberg (@Plettigoal) July 10, 2024