Argentína er komið í úrslitaleik Copa America eftir leik við Kanada sem fór fram í nótt.
Að sjálfsögðu komst Lionel Messi á blað fyrir þá argentínsku en hann spilaði allan leikinn í 2-0 sigri.
Julian Alvarez skoraði fyrra mark Argentínu en hann var svo tekinn af velli er 12 mínútur voru eftir.
Argentína mætir annað hvort Úrúgvæ eða Kólumbíu í úrslitaleiknum en þau eigast við næstu nótt.
Kanada getur enn tryggt sér þriðja sætið en leikið er um það sæti þann 14, júlí.