Roy Keane, fyrrum liðsfélagi Cristiano Ronaldo, hvetur fyrrum félaga sinn til að hætta í portúgalska landsliðinu – allavega í bili.
Ronaldo stefnir á að spila á HM 2026 en hann var með Portúgal sem spilaði á EM í Þýskalandi í sumar.
Frammistaða Ronaldo var nokkuð slæm á mótinu heilt yfir en liðið er úr leik eftir tap gegn Frökkum.
Ronaldo er 39 ára gamall og verður 41 árs þegar HM fer fram en hvort hann styrki liðið á þeim tímapunkti er mikið umræðuefni.
,,Hann ætti að taka sér góða pásu og kveðja landsliðsfótbolta, ef hann er enn að spila með félagsliði 2026 þá er hægt að skoða HM,“ sagði Keane.
,,Við sjáum menn eins og Harry Kane sem er ekki að finna sig á mótinu, þegar markaskorararnir eru ekki að spila sinn leik þá ertu að spila með tíu menn á vellinum.“