Manchester United gæti snúið sér að Max Kilman, miðverði Wolves, ef félaginu tekst ekki að landa Jarrad Branthwaite frá Everton.
United bauð 35 milljónir punda og árangurstengdar greiðslur í Branthwaite á dögunum en Everton hafnaði því samstundis. Félagið vill 70 milljónir punda fyrir hann, eitthvað sem United þykir allt of há upphæð.
Félagið vonast enn til að Everton lækki verðmiðann en Sir Jim Ratcliffe og félagar eru farnir að skoða aðra kosti, takist það ekki.
Þar á meðal er hinn 27 ára gamli Kilman. Hann kostar um 45 milljónir punda, sem er raunhæfari verðmiði fyrir United.
West Ham hefur einnig sýnt Kilman áhuga.