Real Madrid gæti verið að fá aðra stórstjörnu á frjálsri sölu samkvæmt bæði þýskum og spænskum fjölmiðlum.

Real er búið að semja við Kylian Mbappe sem kom til félagsins frá Paris Saint-Germain á frjálsri sölu.

Mbappe er launahæsti leikmaður Real í dag en félagið þurfti þó ekki að borga PSG krónu.

Sky Sports í Þýskalandi er á meðal þeirra sem segja að Alphonso Davies sé nú líklega á leið til Real frá Bayern Munchen.

Það verður ekki í sumar heldur sumarið 2025 en Davies verður samningslaus eftir næsta tímabil.

Litlar líkur eru á að Davies kroti undir nýjan samning við Bayern en hann gæti þó mögulega verið seldur annað fyrir rétta upphæð í þessum sumarglugga.