Það eru margir sem muna eftir knattspyrnumanninum Thomas Brolin sem var nálægt því að vinna Ballon d’Or árið 1994.

Brolin lagði skóna á hilluna 1998 en hann gerði garðinn frægan með Parma áður en hann hélt til Englands.

Svíinn gat lítið með Leeds og síðar Crystal Palace ne hann var oft talinn vera í alltof slæmu standi.

Í dag er Brolin 54 ára gamall og hefur reynt ýmislegt eftir að ferlinum lauk en hann er nú byrjaður að reyna fyrir sér í áfengisbransanum.

Brolin hætti í fótbolta aðeins 28 ára gamall og byrjaði að selja ryksugur, því miður þá gekk það ekki eftir að lokum og fann hann sér aðra vinnu.

Brolin er óþekkjanlegur í dag en hann vonast til þess að þéna peninga ásamt ítalska kokknum Catarina Konig og ætla þau að framleiða vín.

Konig og Brolin vona að vínið endi í verslunum í Svíþjóð og á Ítalíu en framhaldið verður að koma í ljós.