Markvörðurinn Matija Sarkic er látinn en hann er leikmaður sem einhverjir gætu vel kannast við.
Sarkic var 26 ára gamall en tilkynnt var um andlát hans í morgun. Hann var leikmaður Millwall á Englandi.
Sarkic var í landsliðsverkefni með Svartfjallalandi en hann hneig niður í íbúð – ástæðan er óljós að svo stöddu.
Sarkic lék fyrir fínustu lið á sínum ferli en nefna má Aston Villa, Wigan, Wolves, Birmingham, Stoke og síðast Millwall.
Hann lék níu A landsleiki fyrir Svartfjallaland og hafði leikið á Englandi frá árinu 2015.
