Ítalía 2 – 1 Albanía
0-1 Nedim Bajrami(‘1)
1-1 Alessandro Bastoni(’11)
2-1 Nicolo Barella(’16)
Ítalía byrjar EM 2024 á sigri en liðið spilaði við Albaníu í riðlakeppninni í lokaleik dagsins nú í kvöld.
Albanía komst yfir eftir aðeins 27 sekúndur í leiknum en slæmt innkast kostaði núverandi meistarana það mark.
Sem betur fer fyrir Ítala þá voru hlutirnir ekki lengi að snúast við en aðeins korteri seinna var staðan orðin 2-1.
Alessandro Bastoni jafnaði fyrst metin fyrir Ítalíu og tryggði Nicolo Barella sigurinn á 16. mínútu.
Fleiri mörk voru ekki skoruð í leiknum en síðari hálfleikurinn var í raun lítil skemmtun fyrir áhorfendur.