Arnar Gunnlaugsson, þjálfari Víkings, var í viðtali við 433.is eftir blaðamannafund á Hlíðarenda vegna leiksins við Val í Bestu deild karla á þriðjudag. Þar var honum ekki sleppt án þess að ræða EM í Þýskalandi sem hefst í kvöld.
„Fyrir mér eru þessar úrslitakeppnir, HM og EM, hátíð. Bæði sem stuðningsmaður fótbolta og sem þjálfari því ég ætlast til að það gerist eitthvað „tactical trend“ á þessu móti sem svo mun leiða veginn næstu 1-2 árin,“ sagði Arnar, sem mun starfa sem sérfræðingur RÚV um keppnina.
En hver telur Arnar að standi uppi sem Evrópumeistari í næsta mánuði?
„Það eru fullt af liðum sem kom inn og eiga góðan möguleika á að vinna þetta mót. Ég held alltaf með Englandi en ég held samt að þeir eigi ekki séns ef ég á að segja eins og er. Ég held að Frakkarnir taki þetta. Svo verður gaman að sjá hvort Þjóðverjarnir nái að endurheimta stemninguna frá því árið 2006, þegar HM var í Þýskalandi.
Núna er Þýskaland að koma inn í keppnina sem svolítið brotin þjóð þar sem enginn hafði áhuga á mótinu einhverra hluta vegna þar sem það fór fram í Katar. Leikmenn drulluðu upp á bak svo nú er hlutverk leikmanna að sameina þjóðina aftur og ég held þeim muni takast það.“
Viðtalið við Arnar í heild er í spilaranum.