„Þetta er dauðariðillinn,“ sagði Hörður Snævar Jónsson í þættinum. „Ég myndi halda að Ítalir séu sístir af þeim. Ég horfði yfir hópinn hjá þeim og mér fannst þetta núll spennandi.“
Hrafnkell tók til máls og telur að hlutirnir gætu smollið hjá ríkjandi meisturum.
„Ítalir kunna allir að spila þessa þriggja manna vörn og geta allir farið í það,“ sagði hann.
Einnig var rætt um Spánverja, sem eru með spennandi lið, þar ber hæst að nefna hinn 16 ára gamla Lamine Yamal.
„Það magnaða er að einn af þeirra allra bestu mönnum er 2007 módel,“ sagði Helgi Fannar Sigurðsson.
„Þeir eru hrikalega ungir og skemmtilegir en ég er á því að spænska liðið hafi nógu góða hafsenta til að fara alla leið,“ sagði Hrafnkell.
Umræðan um B-riðil í heild er í spilaranum.
Spánn
Lykilmaðurinn – Rodri
Gaman að fylgjast með – Lamine Yamal
Króatía
Lykilmaðurinn – Luka Modric
Gaman að fylgjast með – Luka Sucic
Ítalía
Lykilmaðurinn – Gianluigi Donnarumma
Gaman að fylgjast með – Federico Chiesa
Albanía
Lykilmaðurinn – Armando Broja
Gaman að fylgjast með – Kristjan Asllani
