Paul Scholes fyrrum miðjumaður Manchester United er verulega hissa á því að félagið hafi ákveðið í gær að Erik ten Hag yrði áfram stjóri liðsins.
Ten Hag fær traustið áfram en eigendur Manchester United höfðu í rúmar tvær vikur íhugað að reka hann úr starfi.
United endaði í átunda sæti ensku úrvalsdeildarinnar en sigur í enska bikarnum virðist hafa bjargað starfi hans.
„Gott að vakna upp við þessar fréttir en ég hélt að endalok Ten Hag hefðu verið tapið gegn Crystal Palace,“ segir Scholes á Instagram síðu sinni.
United tapaði þá illa gegn Palace á útivelli undir lok tímabilsins. „Það þarf að bæta hlutina alveg gríðarlega mikið, það er stöðugleiki sem fæst með þessu og vonandi heppnast það.“
„Stuðningsmenn hafa gefið honum og leikmenn ótrúlegan stuðning og eiga betra skilið á næstu leiktíð.“