Viðræður milli fulltrúa Erik ten Hag og Manchester United um nýjan samning ganga vel og búast báðir aðilar við því að hann skrifi undir nýjan samning.
Fabrizio Romano segir frá, en í gær var staðfest að Ten Hag yrði áfram stjóri liðsins.
Ten Hag vill ólmur halda áfram með það verkefni sem hann hefur hafið og vilja nýjir hluthafar, Sir Jim Ratcliffe og INEOS, gefa honum lyklana alfarið næstu árin.
Markmiðið er að byggja United upp á yngri leikmönnum, en hjá INEOS eru menn mjög sáttir með hvað Ten Hag hefur gert með leikmenn eins og Kobbie Mainoo og Alejandro Garnacho.
Eigendurnir tóku sér sinn tíma í að ákveða örlög Ten Hag og voru aðrir stjórar hleraðir. Það var hins vegar tekin ákvörðun um að Ten Hag væri rétti maðurinn í starfið.
🚨 Talks between Manchester United and Erik ten Hag's agents are already underway and advanced, with all parties anticipating an agreement on new contract.
Ten Hag, happy to sign and continue the project while INEOS want to give him total trust for the future. Work in progress. pic.twitter.com/sC722BVlU4
— Fabrizio Romano (@FabrizioRomano) June 12, 2024