Fyrir skömmu var greint frá því í öllum helstu miðlum Englands að Erik ten Hag yrði áfram stjóri Manchester United. Nýir eigendur vilja sjá hvernig honum vegnar undir þeirra handleiðslu.
Sir Jim Ratcliffe og INEOS eru nýjustu hluthafar í United og hafa tekið yfir knattspyrnuhlið rekstursins. Daily Mail segir að þau vilji gefa Ten Hag öll bestu verkfærin og sjá hvort Hollendingurinn nái liðinu ekki á flug.
Meðal þess sem breytist með komu INEOS er að Omar Berrada kemur frá Manchester City í stöðu framkvæmdastjóra. Þá er Jason Wilcox mættur sem tæknilegur ráðgjafi og gæti Dan Answorth einnig komið frá Newcastle og orðið yfirmaður íþróttamála.
Það kom til greina að reka Ten Hag og enskir miðlar segja INEOS til að mynda hafa fundað með Thomas Tuchel. Á endanum var ákveðið að halda tryggði við Ten Hag.
Viðræður um nýjan samning fara fljótlega af stað en Ten Hag hefur stýrt United í tvö ár. Undir hans stjórn varð liðið enskur bikarmeistari á dögunum. Þá vann það enska deildabikarinn í fyrra en nýafstaðið tímabil í ensku úrvalsdeildinni var alls ekki nógu gott.
