Lögmaður konunnar sem kærði Albert Guðmundsson, knattspyrnumann, fyrir kynferðisbrot síðasta sumar segir ákvörðun rík­is­sak­sókn­ara að fela héraðssak­sókn­ara að höfða saka­mál á hend­ur honum gefa það til kynna að rík­is­sak­sókn­ari telji lík­legt að hann verði sak­felld­ur.

Lögmaðurinn, Eva Bryn­dís Helga­dótt­ir, segir þetta í samtali við mbl.is.

Meira
Albert Guðmundsson verður ákærður fyrir kynferðisbrot

Mál Alberts var látið falla niður hjá héraðssaksóknara í febrúar en var sú ákvörðun kærð til ríkissaksóknara sem felur héraðssaksóknara það nú að gefa út ákæru. Það var greint frá þessu í dag.

„[Rík­is­sak­sókn­ari] fell­ir niður niður­fell­ing­una hjá héraðssak­sókn­ara og legg­ur fyr­ir héraðssak­sókn­ara að höfða saka­mál á hend­ur Al­berti Guðmunds­syni fyr­ir kyn­ferðis­brot. Það er gert með út­gáfu ákæru,“ seg­ir Eva við mbl.is.