Brynjar Björn Gunnarsson, þjálfari Grindavíkur í Bestu deild karla kallar eftir því að ÍTF og KSÍ skoði það að gera breytingar á Lengjudeild karla.

Hann segir það ekki heppilegt að Besta deildin byrji mánuði fyrr en Lengjudeildin og sé svo spiluð rúman mánuð lengur.

Grindavík er eitt þeirra liða sem geta farið upp úr Lengjudeildinni í sumar en liðið hefur sótt sér níu erlenda leikmenn fyrir tímabilið.

Í Lengjudeildinni er umspil fyrir 2 til 5 sæti deildarinnar þar sem leikið er til þrauta á Laugardalsvelli, aðeins fyrsta sætið fer beint upp úr deildinni.

„Þetta umspil heldur lífi í deildinni, hún hefði verið búin í fyrra með einhverja 2-3 leiki eftir. Þá hefðu ÍA og Afturelding farið upp,“ sagði Brynjar við 433.is en Afturelding tapaði gegn Vestra í úrslitaleik í umspilinu.

„Þetta gerir deildina spenanndi, það sem mér finnst að við gætum gert sama í Lengjudeildina og gert er í Bestu deildinni. Tvískipta henni og hafa fimm auka leiki.“

Hann segir það ekki gott fyrir Lengjudeildina að vera með tímabilið á allt öðrum tíma en Besta deildin. „Vera að spila á sama tíma og Besta deildin, það er eitthvað sem mér finnst að ÍTF og KSÍ þurfa að skoða alvarlega. Við erum að byrja mánuði á eftir Bestu deildinni og enda kannski einum og hálfum mánuði fyrr.“