Erik ten Hag var ánægður með sína menn í Manchester United í kvöld eftir leik við Manchester City.
Ten Hag vill meina að United hafi spilað vel þrátt fyrir að hafa verið 26 prósent með boltann og átt eitt skot á rammann.
Marcus Rashford kom United yfir með flottu marki en Phil Foden og Erling Haaland tryggðu City öruggan 3-1 sigur.
,,Leikmennirnir gáfu allt í verkefnið. Við vorum með tvo leikmenn inná sem voru ekki 100 prósent – Jonny Evans og Marcus Rashford,“ sagði Ten Hag.
,,Sem lið þá gáfu þeir allt í þennan leik og frammistaðan var mjög góð. Auðvitað erum við ósáttir við úrslitin.“
,,Á öðrum degi hefðum við getað unnið þessas viðureign.“
