Andre Onana, markvörður Manchester United, segir að það komi ekki til greina fyrir leikmenn liðsins að stíga af bensíngjöfinni eftir fínt gengi undanfarið.

Onana hefur sjálfur spilað nokkuð vel seinni hluta tímabils eftir erfitt gengi í byrjun.

United vann 2-1 sigur á Luton um helgina og eftir þá helgi var Onana mættur í viðtal við MUTV, sjónvarpsstöð félagsins.

Kamerúninn bendir á að leikmenn liðsins hafi ekki afrekað neitt hingað til en það eru fimm stig í Meistaradeildarsætier 13 umferðir eru eftir.

,,Við þurfum að standa saman þegar vel gengur og þegar illa gengur, við þurfum að hjálpast að þegar hlutirnir ganga ekki upp,“ sagði Onana.

,,Það sem við erum að afreka núna er gott og hvernig við svörum fyrir okkur. Við verðum að halda áfram sömu braut því hingað til höfum við ekki afrekað neitt.“

,,Við höldum áfram að vinna leiki og það er mikilvægt. Við þurfum að reyna að vinna hvern einasta andstæðing og hver einasti leikur er úrslitaleikur.“