Neymar gæti verið að snúa aftur til heimalandsins Brasilíu og myndi þar ganga í raðir uppeldisfélagsins Santos.
Forseti Santos, Marcelo Teixeira, hefur rætt við Neymar um mögulega endurkomu þó að samtalið hafi verið stutt.
Neymar er í dag leikmaður Al Hilal í Sádi Arabíu en er frá vegna meiðsla og hefur lítið getað spilað.
Brassinn vakti fyrst athygli sem leikmaður Santos en hélt síðar til Barcelona og svo Paris Saint-Germain.
Samningur Neymar rennur út á næsta ári og má hann ræða við önnur félög í janúar.
,,Samtalið var mjög stutt en stutt samtöl eru oft þau samtöl sem skila mestum árangri,“ sagði forsetinn.
