Gianluigi Donnarumma, markvörður Paris Saint-Germain, þurfti að fara af velli í fyrri hálfleik gegn Monaco í gærkvöldi eftir að hafa hlotið slæm meiðsli eftir að hann fékk takka leikmanns andstæðingsins í höfuðið.
PSG vann leikinn 2-4 en á 22. mínútu fékk Donnarumma takka Wilfried Singo í andlitið eftir baráttu þeirra um boltann.
Singo var á gulu spjaldi en VAR skoðaði atvikið og hlaut hann ekki annað spjald fyrir það.
Blaðamaður í Frakklandi birti mynd af Donnarumma eftir leik og má segja að hún sé vægast sagt óhugnanleg.
Donnarumma birti hins vegar mynd af sér í góðum gír í dag, þar sem hann var með hundinn sinn í fanignu.
Hana má sjá hér að neðan, sem og myndina af meiðslunum frá því í gærkvöldi.
Gigio Donnarumma, the day after. 😁👍🏻 pic.twitter.com/aZupwafrFO
— Fabrizio Romano (@FabrizioRomano) December 19, 2024
