Arne Slot, stjóri Liverpool, verður ekki á hliðarlínunni í næsta leik liðsins sem er gegn Tottenham.
Slot tók við Liverpool í sumar og er liðið á toppi deildarinnar eftir virkilega góða byrjun í vetur.
Liverpool tókst ekki að sigra Fulham í gær í úrvalsdeildinni en leiknum lauk með 2-2 jafntefli á Anfield.
Hollendingurinn fékk gult spjald í leiknum og var þetta hans þriðja gula spjald í deildinni á tímabilinu.
Það þýðir að Slot verður ekki á hliðarlínunni í næsta leik sem er gegn Tottenham þann 22. desember.
