Ange Postecoglou segir að hann hafi ekki verið að gagnrýna sóknarmanninn Timo Werner í miðri viku.

Postecoglou var virkilega ósáttur með Werner eftir 1-1 jafntefli við Rangers í Evrópudeildinni og var ekki hrifinn af hans frammistöðu.

Postecoglou talaði um að frammistaða Werner hefði verið óásættanlegt og að hann væri langt frá því að spila sinn besta leik.

Ástralinn geðþekki hefur nú útskýrt ummælin og vill meina að hann hafi ekki verið að gagnrýna heldur að gefa sína eigin skoðun á frammistöðunni.

,,Ég var ekki að gagnrýna hann. Þetta var mín skoðun á málinu. Að gagnrýna einhvern er að segja eitthvað sem hjálpar ekki,“ sagði Postecoglou.

,,Það er oft notað sem afsökun. Ég vil gefa mína skoðun á málum og reyna að hjálpa og bæta leikmenn.“