Faðir John Terry, goðsagnar og fyrrum fyrirliða Chelsea, vildi aldrei sjá strákinn sinn skrifa undir hjá félaginu þegar hann var 14 ára gamall.

Terry krotaði undir hjá Chelsea sem táningur en pabbi hans vildi sjá hann ganga í raðir Manchester United sem var á þessum tíma eitt sterkasta félagslið heims.

Terry lék með West Ham þar til hann var 14 ára gamall og samdi svo við Chelsea og er í guðatölu hjá stuðningsmönnum félagsins í dag eftir að hafa lagt skóna á hilluna.

,,Pabbi minn vildi aldrei sjá mig skrifa undir hjá Chelsea. Þegar ég skrifaði undir á vellinum þá neitaði hann að fara með mér,“ sagði Terry.

,,Ég stóð í leikmannagöngunum og leikmennirnir gengu af velli, ég beið eftir þeim og hann sagði: ‘Þú skrifar ekki undir hjá þessu félagi, við ættum að fara til Manchester United.’

,,Ég var eins og ég var á þessum tíma og svaraði: ‘Ég er 100 prósent að fara að skrifa undir hérna, ef þú kemur ekki með mér að skrifa undir þá fer ég sjálfur.’