West Ham 2 – 5 Arsenal
0-1 Gabriel(’10)
0-2 Leandro Trossard(’27)
0-3 Martin Odegaard(’34, víti)
0-4 Kai Havertz(’36)
1-4 Aaron Wan Bissaka(’38)
2-4 Emerson(’40)
2-5 Bukayo Saka(’45, víti)
Fyrri hálfleikurinn í leik West Ham og Arsenal í dag var afskaplega mikil skemmtun en leikið var í London á heimavelli þess fyrrnefnda.
Það stefndi allt í að Arsenal myndi valta yfir heimaliðið í leiknum eftir að hafa komist í 4-0 eftir 36 mínútur.
West Ham svaraði þó fyrir sig eftir fjórða mark Arsenal og skoraði tvö mörk á tveimur mínútum.
Aaron Wan-Bissaka skoraði það fyrra eftir fína sókn áður en Emerson kom knettinum í netið beint úr aukaspyrnu.
Bukayo Saka skoraði síðar fimmta mark Arsenal undir lok fyrri hálfleiks úr vítaspyrnu sem var önnur vítaspyrna gestaliðsins í leiknum.
Eftir sjö mörk í fyrri hálfleik var seinni hálfleikurinn mikil vonbrigði en fleiri mörk voru ekki skoruð og lokatölur, 2-5.
