Ipswich 1 – 1 Manchester United
0-1 Marcus Rashford(‘2)
1-1 Omari Hutchinson(’43)
Manchester United mistókst að vinna sinn fyrsta leik undir stjórn Ruben Amorim en liðið mætti Ipswich Town á útivelli í dag.
Leikurinn var heilt yfir nokkuð fjörugur en það voru gestirnir frá Manchester sem komust yfir með marki frá Marcus Rashford.
Það tók United aðeins rúmlega mínútu að skora fyrra markið í viðureigninni og útlitið afskaplega bjart til að byrja með.
Ipswich ógnaði þó verulega undir lok fyrri hálfleiksins og uppskar mark er Omari Hutchinson átti skot að marki sem fór af varnarmanni og í netið.
Fleiri mörk voru ekki skoruð í síðari hálfleik og lokatölur 1-1 í þó nokkuð skemmtilegum fótboltaleik.
