Manchester City 0 – 4 Tottenham
0-1 James Maddison(’13)
0-2 James Maddison(’20)
0-3 Pedro Porro(’53)
0-4 Brennan Johnson(’93)
Manchester City fékk svo sannarlega skell í ensku úrvalsdeildinni í dag er liðið mætti Tottenham á heimavelli.
City var að tapa sínum fimmta leik í röð í öllum keppnum og er útlitið ekki of bjart fyrir framhaldið.
Tottenham kom sá og sigraði á Etihad vellinum en lokatölur voru 4-0 fyrir gestunum og var sigurinn nokkuð sannfærandi.
City er fimm stigum á eftir Liverpool sem er í efsta sæti deildarinnar og á leik til góða gegn Southampton á morgun.
Tottenham er með 19 stig í sjötta sætinu og er nú búið að skora 27 mörk, mest af öllum liðum deildarinnar.
