Jóhann Berg Guðmundsson mætti í viðtal til Stöð 2 Sport í kvöld eftir leik Íslands við Wales í Þjóðadeildinni.

Ísland tapaði viðureigninni 4-1 á útivelli og hafnar í þriðja sæti en hafði möguleika á öðru sætinu með sigri.

Fyrirliðinn fór meiddur af velli í hálfleik í leik kvöldsins er staðan var 2-1 fyrir heimaliðinu.

,,Algjörlega og við gefum klaufaleg mörk líka sem hefur verið sagan í undanförnum leikjum, við erum að fá á okkur of mikið af mörkum en erum einnig að skora mörk og skapa mikið af færum,“ sagði Jóhann Berg.

,,Við þurfum að vera betri í því sem við gerum og ekki gefa svona færi á okkur og auðveld mörk og það er það sem svíður í dag.“

,,Við erum að fá á okkur of mikið af mörkum og gera of mikið af mistökum og það er eitthvað sem við verðum hreinlega að laga. Það er einn millimeter í sendingum hér og þar sem er að klikka.“