Wataru Endo miðjumaður Liverpool er eftirsóttur biti en hann gæti haft áhuga á því að fara í janúar til að spila meira.
Enskir miðlar segja að haugur af liðum hafi áhuga á því að kaupa Endo í janúar.
AC Milan, Fulham, Wolves og Ipswich eru öll sögð vilja kaupa miðjumanninn frá Liverpool í janúar.
Endo er á sínu öðru tímabili á Anfield en hann var í stóru hlutverk hjá Jurgen Klopp en fær minna að spila hjá Arne Slot.
Endo var áður leikmaður Stuttgart en Liverpool skoðaði að selja hann í sumar en ekkert varð af því.
