Joseph Junior Andreou Gabriel er næsta vonarstjarna hjá Manchester United en hann er aðeins fjórtán ára gamall.

FJallað er um JJ Gabriel í enskum blöðum í dag en hann fagnaði 14 ára afmæli sínu á dögunum.

Þrátt fyrir ungan aldur er JJ Gabriel nú einungis að æfa með U18 ára liði félagsins.

„Kid Messi“ er nafnið sem drengurinn fær í enskum blöðum en hann hefur vakið athygli víða undanfarið.

Hann hefur verið verðlaunaður sem besti leikmaðurinn á mótum sem United hefur farið á og er talið líklegt að hann geti brotist inn í aðallið félagsins eftir nokkur ár.

Nike hefur gert samning við Gabriel sem mun leika í skóm frá þeim en Nike hefur mikla trú á að drengurinn ungi nái alla leið.