Virgil van Dijk fyrirliði Liverpool hefur hafið viðræður við félagið um nýjan samning. Hann segist þó ekki vita hvar það endar.
Van Dijk verður samningslaus næsta sumar en hann hefur síðustu ár verið einn besti varnarmaður í heimi.
„Ég hef ekki hugmynd um hvað gerist í framtíðinni,“ sagði van Dijk eftir mjög góðan sigur á Chelsea í gær.
„Eina sem ég get sagt er að viðræður eru farnar af stað, við sjáum hvað gerist.“
„Mín einbeiting er á Liverpool, ég vil vinna leikina sem eru á næstunni og hugsa ekki um annað.“
