Samkvæmt frétt Fichajes á Spáni hafa forráðamenn Liverpool áhuga á það að fá Rodrygo kantmann Real Madrid til sín næsta sumar.
Rodrygo er til sölu samkvæmt fréttinni og vill Real Madrid fá 134 milljónir punda.
Fichajes segir að Liverpool horfi til Rodrygo sem mögulegan arftaka fyrir Mo Salah sem gæti farið næsta sumar.
Rodrygo hefur aðeins fallið í skuggann hjá Real Madrid eftir komu Kylian Mbappe en fyrir eru Vinicius Jr og Jude Bellingum í stóru hlutverki.
Hann er með samning við Real Madrid til 2028 sem verður til þess að Real Madrid fer fram á væna summu fyrir landsliðsmanninn frá Brasilíu.
Rodrygo er í miklu uppáhaldi hjá Carlo Ancelotti þjálfara Real Madrid sem segir hann geta orðið einn besti leikmaður í heimi.
