Það er draumur forráðamanna enska landsliðsins að ráða Pep Guardiola til starfa, Guardian segir frá en það er þó talið ólíklegt.
Guardiola verður samningslaus hjá Manchester City næsta sumar en óvíst er hvað hann gerir.
Lee Carsley hefur stýrt enska liðinu tímabundið eftir að Gareth Southgate sagði upp störfum í sumar.
Guardiola er efstur á óskalista enska sambandsins sem hefur undanfarið verið að meta kosti sína, hafi Guardiola áhuga gæti enska sambandið ákveðið að bíða fram á næsta sumar.
Guardiola sagði á dögunum að allt gæti gerst með framtíð hans en hann þyrfti að taka á sig verulega launalækkun ef hann tæki við enska landsliðinu.
