Það er plan Chelsea að kaupa enn fleiri leikmenn í janúar að sögn Enzo Maresca, stjóra liðsins.

Maresca hefur byrjað vel með Chelsea eftir að hafa tekið við í sumar en liðið hefur styrkt sig gríðarlega undanfarin ár og keypt marga leikmenn.

Þrátt fyrir það er það von Chelsea að kaupa meira árið 2025 en Maresca segir að það verði þó minna en undanfarin ár.

,,Ég tel að við séum með góðan hóp en lið eins og Manchester City og Arsenal eru á undan okkur, það er engin spurning,“ sagði Maresca.

,,Ef við höldum áfram að bæta okkur þá getum við vonandi nálgast þau lið. Það er þó nokkuð augljóst þessa stundina að þau lið eru á undan öðrum.“

,,Eftir síðasta sumarglugga þá er markmiðið að reyna að gera minna en að gera það rétta. Það er markmiðið fyrir janúargluggann og næsta sumar. Vonandi verður það staðan.“