Manchester City 2 – 2 Arsenal
1-0 Erling Haaland(‘9)
1-1 Riccardo Calafiori(’22)
1-2 Gabriel(’45)
2-2 John Stones(’98)

Arsenal var nálægt því að vinna magnaðan sigur í ensku úrvalsdeildinni í dag er liðið mætti meisturum Manchester City.

Leikið var í Manchester þar sem heimamenn tóku forystuna eftir aðeins níu mínútur er Erling Haaland komst á blað.

Riccardo Calafiori jafnaði metin fyrir Arsenal með frábæru marki ekki löngu síðar en hann átti gott skot fyrir utan teigs.

Varnarmaðurinn Gabriel skoraði svo annað mark Arsenal undir lok fyrri hálfleiks en hann skallaði boltann í netið eftir hornspyrnu.

Áður en flautað var til leiks fékk Leandro Trossard rautt spjald hjá gestunum en hann safnaði tveimur gulum spjöldum og var sendur í sturtu.

City pressaði stíft að marki Arsenal allan seinni hálfleikinn og náði að lokum að jafna metin á 98. mínútu eftir hornspyrnu.

John Stones kom boltanum í netið eftir smá vandræði innan teigs og tryggði heimamönnum stig.

City átti yfir 30 skot að marki Arsenal en gestirnir áttu aðeins fimm.