Ísland vann góðan sigur á Svartfjallalandi í Þjóðadeildinni í kvöld en leikið var á Laugardalsvelli.

Ísland vann 2-0 heimasigur en Orri Steinn Óskarsson og Jón Dagur Þorsteinsson komust á blað fyrir okkar menn.

Hákon Rafn Valdimarsson átti mjög góðan leik í marki Íslands í kvöld og ræddi við blaðamenn eftir viðureignina.

,,Já mér leið mjög vel allan tímann. Við byrjum gegn vindi og gerðum það mjög vel fannst mér. Það var ekki of mikið að gera allan leikinn en það komu nokkur færi þarna,“ sagði Hákon.

,,Þegar við erum þéttir til baka þá er erfitt að koma færi á okkur, við hreinsum þetta allt burt og erum þéttir. Við sýndum það gegn Englandi, við fengum eitt skot á okkur í þeim leik. Þegar við liggjum þéttir er erfitt að koma færi á okkur.“

,,Ef ég spila báða þessa leiki þá eru það tveir leikir og svo bikarinn, það eru þrír leikir í einum mánuði sem er fínt. Ég reyni bara að standa mig mjög vel í þessum leikjum og þessum fáu leikjum sem ég fæ hjá Brentford.“

Nánar er rætt við Hákon hér fyrir neðan.