Alexander Rafn Pálmason varð í kvöld yngsti leikmaður í sögu efstu deildar á Íslandi.
Um er að ræða 14 ára gamlan strák sem kom inná sem varamaður er KR vann lið ÍA með fjórum mörkum gegn tveimur.
Blaðamaðurinn Víðir Sigurðsson vekur athygli á þessu á heimasíðu Mbl.is en frétt hans má lesa hér.
Strákur að nafni Gils Gilsson átti metið fyrir leik kvöldsins en hann spilaði með FH árið 2022 og var þá 14 ára og 318 daga gamall.
Alexander er aðeins yngri en hann er 14 ára og 147 daga gamall og er sonur Pálma Rafns Pálmasonar sem er fyrrum leikmaður KR og er í dag framkvæmdarstjóri liðsins.
