Mikel Arteta, stjóri Arsenal, tekur undir orð leikmanns liðsins, Bukayo Saka, og heimtar meiri stöðugleika frá dómurum deildarinnar.
Arsenal spilaði við Brighton í gær í leik sem lauk 1-1 en Arsenal var manni færri nánast allan seinni hálfleikinn.
Declan Rice fékk rautt spjald fyrir að sparka í boltann er Joel Veltman var að fara taka aukaspyrnu en það var hans annað gula spjald.
Eins og Saka þá bendir Arteta á að Joao Pedro hjá Brighton hafi gert það sama í fyrri hálfleik en hann slapp með refsingu.
,,Ef það er spjaldað fyrir þetta í hvert skipti í leikjum og það er stöðugleiki í dómgæslunni þá ekkert mál, en það er ekki staðan,“ sagði Arteta.
,,Ég var steinhissa. Í fyrri hálfleiknum þegar andstæðingarnir gerðu þetta þá var ekki spjaldað. Hann tekur þessa ákvörðun á ómerkilegum hluta vallarins.“
,,Samkvæmt reglunum þá má hann spjalda fyrir þetta en það þarf að vera stöðugleiki í þessu. Ef það væri raunin þá væri þeirra maður rekinn útaf og þetta eru 10 gegn 10.“
