Það voru margir hissa þegar Phil Foden var ekki í leikmannahópi Manchester City gegn Ipswich í gær.
Um er að ræða mikilvægan leikmann Englandsmeistarana en hann var hvergi sjáanlegur í 4-1 heimasigri.
Ástæðan er þó skiljanleg en Foden er að glíma við veikindi og gat ekki tekið þátt að þessu sinni.
Einhverjir veltu því fyrir sér hvort Foden væri á förum fyrir lok gluggans en engar líkur eru á að það verði raunin.
Meistararnir spjöruðu sig vel án Foden en Erling Haaland skoraði þrennu í sigrinum umtalaða.
