Manchester United hefur lagt fram tilboð í Sander Berge, miðjumann Burnley, en það er þó nokkru frá verðmiða síðarnefnda félagsins.
Daily Mail greinir frá þessu, en Norðmaðurinn hefur verið orðaðir við United undanfarið. Erik ten Hag er í leit að miðjumanni og hefur Manuel Ugarte hjá Paris Saint-Germain einnig verið orðaður við félagið.
Berge yrði þó ódýrari kostur. Hann kostar um 30 milljónir punda á meðan Ugarte er falur fyrir rúmar 50 milljónir punda. Það er upphæð sem United er ekki til í að borga.
Berge hefur ekki spilað í fyrstu tveimur leikjum Burnley í ensku B-deildinni á þessari leiktíð. Stjóri liðsins, Scott Parker, segir það þó vera vegna meiðsla en ekki sögusagna um framtíð leikmannsins.
Kappinn gekk í raðir Burnley í fyrra frá Sheffield United.
