Segja má að Rúnar Kristinsson hafi unnið hreint kraftaverk á sínu fyrsta tímabili með Fram í Bestu deild karla.

Leikur liðsins hefur batnað á alla kanta ef miðað er við fyrstu 17 leiki síðustu leiktíðar.

Fram situr í fimmta sæti Bestu deildarinnar í ár með 26 stig eftir sautján leiki, á sama tíma í fyrra var liðið með fjórtán stig. Eftir 27 leiki í fyrra var Fram með 27 stig, það vantar því lítið til að bæta árangur liðsins í heild.

Fram hefur skorað 26 mörk í sautján leikjum í ár sem er marki meira en á sama tíma í fyrra. Fram hefur svo fengið á sig sautján mörkum minna en á sama tíma í fyrra. Fram hefur fengið á sig 22 mörk í 17 leikjum í ár en mörkin voru 39 á sama tíma í fyrra.

Jón Sveinsson var þjálfari Fram í fyrra en hætti þegar lítið var eftir af mótinu og Ragnar Sigurðsson tók tímabundið við.

Rúnar Kristinsson var svo ráðinn þjálfari síðasta haust og þessi fyrrum þjálfari KR hefur unnið kraftaverk í Úlfarsárdal.

2024 Fram:
17 leikir
7 sigrar
5 jafntefli
5 töp

2023 Fram:
17 leikir
4 sigrar
2 jafntefli
11 töp