West Ham er komið nálægt því að ganga frá kaupum á Aaron Wan-Bissaka bakverði Manchester United.
Sky Sports segir að búið sé að ganga frá flestu en verið sé að klára endanlegt kaupverð og hvernig það verður borgað.
Allir aðilar telja að þetta muni ganga upp á næstu dögum.
Fari salan í gegn hjá Manchester United er félagið búið að ganga frá öllu er varðar Noussair Mazraoui.
Mazraoui er bakvörður Bayern en hann var áður hjá Ajax og spilaði þar undir stjórn Erik ten Hag.
