Enzo Fernandez hefur beðist afsökunar á því að hafa tekið þátt í því að syngja rasískt lag með samherjum sínum í landsliði Argentínu.
Um var að ræða lag sem leikmenn Argentínu sungu um Frakkland eftir sigur í Copa America.
FIFA er með málið í rannsókn og Wesley Fofana franskur leikmaður Chelsea sagði þetta vera rasisma.
Fernandez mætti til æfinga hjá Chelsea í gær og kallaði strax til fundar, hann bað alla leikmenn félagsins afsökunar.
Ensk blöð segja að leikmenn Chelsea hafi tekið vel i afsökunarbeiðni Enzo og málið sé nú út af borðinu.
