Framherjinn Wout Weghorst er sagður ætla sér burt frá Burnley enn á ný í sumar.

Þessi 31 árs gamli Hollendingur gekk í raðir Burnley frá Wolfsburg í janúar 2022 en tókst ekki að hjálpa liðinu að halda sér í ensku úrvalsdeildinni.

Um sumarið var hann lánaður til Besiktas, en aðeins þar til í janúar þegar Manchester United fékk hann á láni til sín. Síðasta sumar var hann enn á ný lánaður, þá til Hoffenheim og kappinn er á förum enn á ný.

Nýr stjóri Burnley, Scott Parker, er meira en til í að vinna með Weghorst á komandi leiktíð í ensku B-deildinni en hann vill annað.

Það er talið að hollenska stórveldið Ajax hafi áhuga á Weghorst, sem og hans fyrrum lið Besiktas.