Erik ten Hag, stjóri Manchester United, virðist ætla að treysta á vængmanninn Amad Diallo á komandi tímabili.

Diallo hefur aldrei náð að festa sig í sessi sem byrjunarliðsmaður United og hefur tvívegis verið sendur annað á láni.

Um er að ræða 22 ára gamlan leikmann sem fékk einhver tækifæri síðasta vetur en var mest megnis annað hvort á bekknum eða utan hóps.

Ten Hag virðist hafa trú á Diallo sem glímdi við erfið meiðsli í fyrra og var oftast ekki til taks fyrir stórliðið.

,,Við verðum að fara að horfa á Amad öðrum augum. Auðvitað er hann enn ungur en hann er ekki reynslulaus lengur,“ sagði Ten Hag.

,,Hann þurfti að glíma við erfið meiðsli á síðustu leiktíð en fyrir það var hann í næst efstu deild og átti frábært tímabil.“

,,Undir lok tímabilsins þá spilaði hann vel með aðalliði okkar og þetta hlýtur að vera hans ár.“