Það kemur væntanlega mörgum á óvart að heyra af því að fyrrum miðjumaður Manchester City, David Silva, er einn fjórði Japani.
Þetta kom í ljós í gær en the Sun vakti athygli á þessari staðreynd og birti mynd af Silva ásamt foreldrum sínum.
Faðir leikmannsins er spænskur en móðir hans er ættuð frá Japan – eitthvað sem fáir ef einhverjir vissu af.
Silva gerði garðinn frægan hjá Valencia og svo Manchester City en hann á að baki 125 leiki fyrir Spán eftir að hafa lagt landsliðsskóna á hilluna 2018.
Silva var síðast á mála hjá Real Sociedad á Spáni en hann er nú hættur í fótbolta og einbeitir sér að öðrum hlutum.
Goðsögnin er 38 ára gömul í dag en gamla mynd af honum og hans fjölskyldu má sjá hér.
