Barcelona er tilbúið að borga kaupákvæði í samningi vængmannsins Nico Williams sem leikur með Athletic Bilbao.

Frá þessu greinir Sport á Spáni en Williams vakti verulega athygli á EM með spænska landsliðinu í sumar.

Williams var einn besti leikmaður spænska liðsins sem fór alla leið og lagði England í úrslitaleiknum.

Mörg lið eru að sýna Williams áhuga en talið er að hann vilji halda sig heima fyrir og er Barcelona því líklegur kostur.

Barcelona þarf að borga 58 milljónir evra fyrir Williams sem er alls ekki það mikið enda um gríðarlega spennandi ungan leikmann að ræða.

Williams er sjálfur til í að færa sig á Nou Camp en er líklegur til að hafna boðum frá enskum félagsliðum.