Bakvörðurinn gekk í raðir danska B-deildarliðsins Kolding í vetur en er farinn frá félaginu. Hann er því frjáls ferða sinna.
Þá er annar fyrrum leikmaður Blika, Stefán Ingi Sigurðarson, sagður á förum. Sá er á mála hjá belgíska B-deildarliðinu Patro Eisden en Fótbolti.net sagði hann á förum þaðan fyrr í dag.
„Ég held að Davíð hafi verið að klára sín mál núna úti gagnvart Kolding. Stefán verður held ég pottþétt enn þá úti, hann er eftirsóttur, átti mjög fínt tímabil í Belgíu. Ég vona fyrir hans hönd að hann verði áfram úti og finni þá gott lið ef hann er á förum,“ sagði Halldór við 433.is í dag.
„Ef Davíð er laus höfum við áhuga á að fá hann, það er ekki spurning,“ bætti hann við.
Halldór var í viðtali vegna Evrópuleiks Blika við Tikves á morgun, en viðtalið í heild birtist á eftir.
