Eins og greint hefur verið frá þá er Chelsea að eltast við leikmanninn Karim Adyemi sem leikur með Dortmund.
Adyemi átti flott tímabil með Dortmund en hann býr yfir miklum hraða og vakti athygli í Meistaradeildinni.
Hann er aðeins 22 ára gamall en er sjálfur ekki sannfærður um að Chelsea sé rétta skrefið á ferlinum.
Ástæðan er einföld en Chelsea leikur ekki í Meistaradeildinni í vetur heldur í Sambandsdeildinni.
Dortmund er opið fyrir því að selja leikmanninn fyrir rétt verð en útlit er fyrir að Chelsea þurfi að horfa annað að sögn Daily Mail.
