Rio Ferdinand, goðsögn Manchester United og enska landsliðsins, hefur sent skýr skilaboð fyrir leik gegn Sviss í dag.
Um er að ræða leik í 8-liða úrslitum EM en hann heimtar að Kobbie Mainoo byrji annan leikinn í röð.
Mainoo er leikmaður United og þótti standa sig vel í 16-liða úrslitum gegn Slóvakíu.
Það var fyrsti byrjunarliðsleikur Mainoo á mótinu en hann er 19 ára gamall og er mikið efni.
Ferdinand heimtar að miðjumaðurinn fái annað tækifæri og eru góðar líkur að sú ósk muni rætast.
,,Ef Kobbie byrjar ekki þá labba ég heim frá Þýskalandi. Hann verður að byrja,“ sagði Ferdinand.
